صرخة برىء
لما تكزن السلطة فى ايد حاكم صوت لجلد العباد
لما يكون الحاكم سيف بيقطع رقاب
لما يكون ابن الوطن غريب ذليل بين العباد
لما يكون اللسان عديم الكلام لما يكون الصمت لغة الزمان
لما يكون الوطن غابة وحوش فية ديابة تنهش وشوش
لما تكون لغة الحوار دم فى نهار يغطى الوشوش
لما تكون شكوت برىء صرخة الم توجع قلوب
لما يكون الظالم برىء سيفة العدالة يقطع طريق
لما تكون صرخة برىء فى ودن حاكم اصم الا ذان
لما يكون مسؤل كبير قاعد على كرسى بطانتة حرير شاهر سلاحة فى وش الفقير مات الضمير
صرخ البرىء صرخة الم ذرفت عيونة دمعة ندم
لما اروح ارمى بنفسى فى حضن العدالة اطلب حماية انقذ صبايا وتبقا وقاية لناس كتير
لما اكون انسان فقير رايح بشكوى لجناب وزير
الاقى غفير ماسك فى ايدة كرباج طويل يضرب يقطع جسمى النحيل
لما يكون ضاع الامان ظلم وظلام يلف المكان
يبقا فين امن وامان يبقا فين اقدر انام
لما تدى صوتك لنائب نزية يصرخ بصوتنا يصحى الضمير
تلاقى النزية ضرب الفقير صاحب غفير صاحب وزير
نسى الامان فين الضمير مات الضمير ويقول نزية
لما اكون انسان عليل سلمت جسمى لدكتور كبير بيقول شهير
يرفض علاجى يسرق حشايا ياخد دوايا وقسم اليمين
تاجر حقير يتاجر فينا من غير ضمير
لما يكون تاجر سموم واقف يبيع كل الصنوف ومعاة دفوف
قرب وجرب كل الكيوف
ماسك ميزان شفتة فى مكان عالى الرفوف
حاطط فى جيبة مئات الالوف يدخل ويخرج سلطان زمانة يبيع الكيوف
خايف فى يوم اصحا الاقى ابنى الصغير مدمن كيوف فين الامان ضاع الامان ونقول كمان
لما اعوز البس هدوم اكل لحوم مفيهاش شحوم يبقا لازم اكون حقير اسرق وزير
اكدب ازور باع الضمير ولااقوللك نصاب خطير اخطف واطيريبقا فين راح الضمير
لما اشوف فنان كبير عاملة بارتى يكلف كتير يرقص فى ديسكو يشرب كتير
عازم وزير وولاد سفير وبنت حلوة ترقص تميل
وانا الفقير قاعد عليل عايز علاجى بقرار وزير ضاع الفقير فين الضمير
لما اكون مدرس تاريخ مفروض ادرس وطن تاريخ
الاقى نفسى بدرس طبيخ مخى يسيح
عايز اعيش البس قميص وبدلة حلوة وابقا عريس
يبقا لازم اجمع فلوس تملى الكروش اعطى دروس
انهش وادوس ونقول تاريخ ضاع التاريخ
لما اشوف ابنى الصغير ماسك فى ايدة كتاب كبير
اقولة شايف يقولى عارف اقولة واحد يقولى شايف نبوت غفير
اتارى الحكاية تكرار كتير اسال الاقى سيادة المدير
راصص فصولة اطفال كتير يزنق يحشر اياك تكشر لحسن تنول عقاب كبير
تاة الصغير فى وسط الزحام ونقول علام فين العلام ضاع العلام
علشان اعلم ابنى الصغير يبقا لازم مصاريف كتير
وانا عامل وكمان موظف اجرى قليل
يدوب يكفى يمكن مايكفى اطعام صغير اصرخ وابكى
ضاع الصغير ابن الفقير مات الضمير
قدمت طلبى من زمان من حقى اسكن من حقى انام فى بيت صغير ولة ببان
يقولى فوت بكرة افوت بعدة افوت وفضلت افوت يمكن اموت
من غير ما حقق حلم الزمان اتارى حلمى صعب المنال
انا شوفت حلمى فى دوسية مقطع اسال موضف يرفع ليا حاجبة ويقولى فرقع
اقولة حقى يقول بكام اقولة حقى يقولى اخرس
ازمة اسكان
يبقا فين اقدر انام يبقا فين امن وامان راح الامان
الحكايةموش حكاية مكان ولاطعام ولافين اقدر انام
الحكاية حكاية بلد بنت وولد من غير عمل طابور بطالة لية العجب
سال الولد لية اتولد من غير سبب
شهادات بتطلع من غير عدد تذكار جميل بروازة اشبة بالدهب
سنين بتجرى عطلان يناس من غير عمل اية العمل
اطفال كتير من غير سبب زاد العدد حنقول نصيبنا ولا الزيادة فى العدد
عامل وماهر فى المهنة ديةطلبت واحد كشرى فى صينية
طلب المعلم ثمن الصينية نفضت جيبى مفيش يومية
اكتب تمنها فى النوتة دية زود حسابها على المديونية
رجع لبيتة من غير صينيةدبت خناقة فين اليومية
زهقت مراتة من العيشة دية قالت لة اخلع قال بركة وهنية
عمارة شايلة سكان كتير صدر القرار جناب وزير
قوات كتير ماسكة فى ايدها نبوت غفير اضرب وزيل مصابين كتير
اتارى العمارة صاحبها يبقا مسؤل كبير
عايز يزيلها يبنى مكانها فندق كبير اصل الفنادق بصراحة يعنى بتكسب كتير
وانا الفقير اروح لمين اشكى قرار جناب وزير ضاع الضمير
لما اشوف انسان ضعيف واقف يبيع كام رغيف
فارش بضاعتة على الرصيف مستنى رزقة علشان يعيش
اتارى الحكاية قانون يجرم ويقولو اية حق الرصيف
اتارى الرصيف دى قصة تانية فى كل ثانية يقولو لينا تصليح رصيف
اصل الحكاية تبذير كتير ولا الحساب عند الوزير
اقول يعالم ادعو معايا يكفى الضعيف شر الرصيف
قالو حنعمل مشروع بطاقةوحيبقا قومى
سحبت ابنى اخد بطاقتى
قدمت ورقى سحبو استمارتىكتبت اسمى كتبت صنفى
قالو لى دون فى الخانة دية مكان ميلادك والجنسية
مكان ميلادى تراب بلادى مدينة حرة عانت كتير كدة من الاعادى
جنسية بلادى امى الحنونة مصر الحضارة ام الماذن
اتارى اخونا ابو شاشة زرقا موش عاجبة شكلى
قال جوة الكلام معلومة خاطئة
طعنو فى شهادتى وكمان بطاقتى ودليل جهادى عن ارض بلدى
قالو لى اقدم قرار تظلم لاابو شاشة زرقا
وفى ورقة رسمى قدمت عذرى وفروض ولائى لاابو شاشة زرقا
وبوست ايدة وكمان دماغة اعطف عليا يابو شاشة زرقا
قطب جبينة قال فى النهاية ارفع قضية وبقيت مواطن من غير هوية
اصرخ وابكى يارب اكفى كل العباد شر الجهاز شر البلية
الإثنين ديسمبر 31, 2007 12:46 pm